கேர்ணல் முஅம்மர் அல் கடாபி : ஒரு சகாப்தத்தின் எழுச்சியும் வீழ்ச்சியும்

-எம்.பி.எம்.பைறூஸ்
‘ஒரு மனிதனின் வாழ் நாள் சாதனையின் அளவை அவனது இறுதி ஊர்வலத்தின் நீளத்தைக் கொண்டு அளவிடலாம்’ என்பது ஒரு சீனப் பழமொழி.

அப்படியானால் லிபிய முன்னாள் அதிபர் கேர்ணல் முஅம்மர் கடாபி தனது வாழ் நாளில் எதையுமே சாதிக்கவில்லையா? என நீங்கள் கேட்கலாம். அதற்கான விடையைத் தருவதே இந்தக் கட்டுரையின் நோக்கமாகும்.

உலகம் தனக்கென ஒரு வரலாற்று ஒழுங்கையும் நியதியையும் கொண்டிருக்கிறது. அதனை இறைவனைத் தவிர வேறு எந்தப் படைப்புகளாலும் மாற்றியமைக்க முடியாது என்பதே யதார்த்தமாகும்.

அந்த யதார்த்தத்துக்கு விதிவிலக்காக இருக்க விரும்பும் எவரும் வரலாற்றின் குப்பைத் தொட்டிக்குள்ளேயே வீசப்படுவார்கள் என்பதற்கு சமகால அரபுலகின் மக்கள் புரட்சிகளே மகத்தான சான்றுகளாகும்.

டியூனீசியாவின் பென் அலியோ, எகிப்தின் ஹுஸ்னி முபாரக்கோ, லிபியாவின் கடாபியோ, யெமனின் அலி  அப்துல்லாஹ் சாலிஹோ, சிரியாவின் பஷர் அல் அஸாதோ அல்லது வேறு எந்தவொரு நாட்டினதும் ஆட்சியாளர்களோ, அதிகாரம் படைத்தவர்களோ இந்த உலக நியதிக்கு ஒருபோதும் விதிவிலக்காக இருக்க முடியாது.

அரபுலகில் மிக நீண்ட காலம் ஆட்சி செய்த பெருமையைப் பெற்றிருந்த கடாபிக்கு அந்தப் பெருமையே ஈற்றில் உலையாக அமைந்துவிட்டமை கவலைக்குரியது.

1969 ஆம் ஆண்டு இரத்தம் சிந்தாப் புரட்சி மூலம் தனது 27ஆவது வயதிலேயே லிபியாவின் ஆட்சியைக் கைப்பற்றியபோது கடாபியின் வீரத்தையும் தூரநோக்கையும் உலகமே  ஒருகணம் திரும்பிப் பார்த்தது. ஆனால் அதே கடாபி இன்று தனது மக்களாலேயே இரத்த வெள்ளத்தில் கிடத்தப்பட்டபோது அதே உலகம் அவரைப் பார்த்து பரிதாபப்பட்டது.

இந்த இரண்டு வரலாற்று நிகழ்வுகளுக்கிடையிலும் கடாபி ஒரு சகாப்தத்தையே படைத்திருக்கிறார் என்றால் அது மிகையாது.

கடாபிக்கு முன்னர் லிபியாவை ஆட்சி செய்த இத்ரீஸ் தனது நாட்டின் வளங்களை மேற்குலகுக்கு தாரைவார்ப்பதில் முன்னின்று செயற்பட்டார். ஆனால் கடாபியோ இத்ரீஸின் கொள்கைகளுக்கு முற்றிலும் நேர்முரணானவர்.

கடாபி ஏகாதிபத்தியத்தின் பரம விரோதியாகவே தன்னை அடையாளப்படுத்திக் கொண்டார். அமெரிக்காவை எதிர்ப்பது என்பது அவருக்கு ‘அல்வா’ சாப்பிடுவது போல என்று கூட வர்ணிக்கலாம்.

அரபு தேசத்தின் குபேரர்கள் எல்லாம் அமெரிக்காவினதும் மேற்குலகினதும் காலடியில் மண்டியிட்டுக் கிடக்க கடாபியோ அந்த நாடுகளை துணிச்சலுடன் எதிர்த்து நின்றார். பொருளாதாரத் தடைகளையும் வேறு பல நெருக்கடிகளையும் மேற்குலகு ஏற்படுத்திய போதிலும் கடாபி மசிந்து கொடுக்கவில்லை.

தனக்கென தனியானதொரு பாணியை வகுத்துக் கொண்ட அவர் 1977இல் நாட்டின் பெயரை ‘லிபியா அரப் அல் ஜமாஹிரிய்யா’ என மாற்றியதுடன் மூன்றாவது பன்னாட்டுக் கொள்கை எனும் தனது அரசியல் சித்தாந்தத்தையும் தயாரித்தார். ‘பச்சைப் புத்தகம்’ என அழைக்கப்படும் அந்த சித்தாந்தம் இஸ்லாத்தையும் கலந்து எழுதப்பட்டிருந்தது.

கடாபி இஸ்லாத்தை நேசிப்பவராகத் தன்னை வெளியுலகுக்கு அடையாளப்படுத்திக் கொண்டாலும் கூட அவர் தனது பச்சைப் புத்தகத்தையே தனது வேத வாக்காகக் கொண்டிருந்தார்.

ஆனாலும் கடாபி தனது ஆட்சிக் காலத்தில் லிபிய மக்களின் வாழ்க்கைத் தரத்தை முன்னேற்றினார். மற்றெல்லா ஆபிரிக்க தேசங்களும் வறுமையில் வாடினாலும் லிபிய மக்களின் வாழ்க்கைத் தரம் உயர்ந்த இடத்திலேயே இருந்தது. இதற்குக் காரணம் நாட்டின் எண்ணெய் வளத்தை  சிறந்த வருமான வழியாகப் பயன்படுத்தியமையே ஆகும்.

மட்டுமன்றி சில நாடுகள் மீது போர் தொடுத்த கடாபி அதன் மூலமாக இரசாயன ஆயுதங்கள் பலவற்றையும் தனதாக்கிக் கொண்டார். அத்துடன் மேற்குலக நாடுகளுக்கு எதிராக செயற்பட்ட சில இயக்கங்களுக்கு அவர் ஆயுதங்களை வழங்கி உதவினார். குறிப்பாக பிரிட்டன் உள்ளிட்ட நாடுகளால் தடை செய்யப்பட்ட பயங்கரவாத இயக்கமான ஐரிஷ் குடியரசு இராணுவத்திற்கு கடாபி ஆயுதங்களை வழங்கினார். இதன் காரணமாகவும் அவர் சர் வதேச நாடுகளின் எதிர்ப்பைச் சம்பாதிக்க வேண்டியேற்பட்டது.

1980களில் சர்வதேச நாடுகள் பலவும் லிபியா மீது தடைகளை விதித்தன. லிபியாவுடன் எந்தவொரு இராஜதந்திர ரீதியான தொடர்புகளையும் கொண்டிருப்பதில்லை என அவை தீர்மானம் நிறைவேற்றின.

1988 இல் இடம்பெற்ற ‘லொக்கர் பீ’ விமானக் குண்டுவெடிப்பு கடாபிக்கு மென்மேலும் தலையிடியைக் கொடுத்தது. 270 பேரைப் பலி கொண்ட அந்த விமான விபத்திற்கு லிபிய பிரஜையான அப்துல் பாசித் அல் மெக்ராஹி என்பவரே காரணம் என்பது உறுதி செய்யப்பட்டதையடுத்து 2003 இல் கடாபி அதற்கான பொறுப்பினை ஏற்றுக் கொண்டதுடன்  பலியான ஒவ்வொருவரின் குடும்பத்திற்கும் 10 மில்லியன் அமெரிக்க டொலரை நஷ்டயீடாகச் செலுத்தினார்.

அதுமாத்திரமன்றி ஈராக் மீது அமெரிக்கா தலைமையிலான மேற்குலக நாடுகள் போர் தொடுத்ததையடுத்து லிபியா மீதும் அமெரிக்கா போர் தொடுக்கலாம் என அஞ்சிய கடாபி தான் வைத்திருக்கும் நாசகார ஆயுதங்களை அழித்துவிடுவதாக அறிவித்தார்.

இதனையடுத்து அமெரிக்காவுக்கும் லிபியாவுக்குமிடையிலான உறவு மலரத் தொடங்கியது. லிபியா மீதான இராஜதந்திர மற்றும் பொருளாதார தடைகளை அமெரிக்கா தளர்த்தியது.

2009 இல் முதன் முறையாக அமெரிக்காவுக்கு விஜயம் செய்த கடாபி ஐக்கிய நாடுகள் பொதுச் சபைக் கூட்டத்திலும் பங்கேற்று உரையாற்றினார். 15 நிமிடங்கள் மாத்திரமே அவருக்கு உரையாற்ற சந்தர்ப்பம் வழங்கப்பட்டிருந்த போதிலும் ஒன்றரை மணி நேரம் உரையாற்றிய அவர் ஐ.நா. சாசனத்தின் பிரதியை கிழித்து வீசியதுடன்  ஐ.நா பாதுகாப்புச் சபையை அல் கைதா இயக்கத்திற்கு ஒப்பிட்டு சாடியிருந்தார். ஆபிரிக்க நாடுகளை தமது ஆதிக்கத்தில் வைத்திருந்தமைக்காக அந் நாடுகள் 7.7 ட்ரில்லியன் அமெரிக்க டொலரை நஷ்டயீடாக வழங்க வேண்டும் எனவும் அவர் அப்போது கோரிக்கை விடுத்திருந்தார்.

இவ்வாறு மீண்டும் மேற்குலகுடன் கடாபி உறவினை தொடர ஆரம்பித்த போதிலும் மேற்கு நாடுகள் கடாபி மீது எப்போதும் ஒரு கண்ணை வைத்தே இருந்தன. சர்வதேச அரசியல் அரங்கில் அவ்வப்போது கவனயீர்ப்பைப் பெறும் வகையில் நடந்து கொள்ளும் கடாபி எந்த நேரத்திலும் அமெரிக்காவுக்கோ அல்லது அதன் நேச நாடுகளுக்கோ எதிராக திசை திரும்பக் கூடும் என்பதே அவற்றின் கருதுகோளாகும்.

இந்நிலையில்தான் 2011 இன் ஆரம்பத்துடன் மத்திய கிழக்கு நாடுகளிலும் மக்கள் புரட்சி துளிர்விடத் தொடங்கியது.

டியூனீசியாவில்தான் இந்த வரலாற்றுப் புகழ் மிக்க மக்கள் புரட்சி துளிர்விட்டது. பின்னர் அது எகிப்துக்கும் லிபியாவுக்கும் சிரியாவுக்கும் யெமனுக்கும் பஹ்ரைனுக்கும் ஜோர்தானுக்கும் பரவியது.

மக்கள் சக்திக்குப் பயந்து டியூனீசிய அதிபர் பென் அலி பதவி துறந்து சவூதி அரேபியாவில் தஞ்சமடைந்தார். தனது அதிகாரத்தைப் பயன்படுத்தி மக்கள் சக்தியை நசுக்க முற்பட்ட போதிலும் அது முடியாது போகவே எகிப்திய அதிபர் ஹுஸ்னி முபாரக்கும் பதவி துறந்து எகிப்தின் எல்லைப் புறத்துக்குச் சென்றார். இப்போ து அவர் வழக்கு விசாரணைகளுக்கு முகங்கொடுத்து வருகிறார்.

யெமனில் மக்கள் புரட்சி நடந்து கொண்டிருக்கிறது. அதன் அதிபர் அப்துல்லாஹ் அலி சாலிஹ் பதவி விலகப் போவதாக உறுதியளித்திருக்கிறார்.பஹ்ரைனிலும் மக்கள் தொடர்ந்தும் போராடிக் கொண்டிருக்கிறார்கள். ஜோர்தானில் மக்கள் புரட்சி வெடித்த போதிலும் அரசியல் ரீதியாக பல்வேறு மாற்றங்களைக் கொண்டு வந்து போராட்டத்தைத் தணிக்கச் செய்திருக்கிறார் அந்நாட்டு மன்னர் அப்துல்லாஹ். சவூதி அரேபியா கூட மக்கள் புரட்சிகளுக்குப் பயந்து மக்களுக்கு பல்வேறு சலுகைகளை அள்ளி வழங்கியிருக்கிறது.

துரதிஷ்டவசமாக லிபியாவில் கடந்த பெப்ரவரி மாதம் புரட்சி வெடித்த போதிலும் கடாபி அதனைக் கணக்கிலெடுக்கவில்லை. தனக்கெதிராக மக்கள் புரட்சி செய்யக் கூடாதுஎன்றே கடாபி விரும்பினார்.

மரணிக்கும் வரை தானே லிபியாவின் தலைவர் எனக் குறிப்பிட்ட கடாபி தான் ஒருபோதும் பதவி துறக்கமாட்டேன் என்றும் சவால் விட்டார்.

அது மாத்திரமன்றி போராட்டத்தில் ஈடுபடுவோரை சுட்டுக் கொல்லுமாறும் தனது படையினருக்கு உத்தரவிட்டார்.

போராட்டத்தில் ஈடுபடும் அனைவரையும் அங்குலம் அங்குலமாக... அறை அறையாக... வீடு வீடாக...தேடிக் கொல்லுங்கள்" என்பதே கடாபியின் உத்தரவாகவிருந்தது.

பின்பு ஒரு தடவை வானொலி மூலம் நாட்டு மக்களுக்கு உரையாற்றிய அவர் எனக்கெதிராகப் போராட்டம் நடத்துபவர்கள் எலிகளைப் போன்றவர்கள். எலிகளை நசுக்குவது போல அவர்களை நசுக்கிக் கொல்வேன்" எனக் காட்டமாகக் கூறியிருந்தார்.

கடாபியின் இந்த அறைகூவல் லிபிய கிளர்ச்சியாளர்களைக் கடுமையாக உசுப்பேற்றியது. அவர்களும் கடாபியை எதிர்த்து போராடத் துணிந்தார்கள். திரிபோலியில் உள்ள பச்சைச் சதுக்கத்தில் ஒன்று கூடி அகிம்சையாகப் போராடிய அவர்கள் பின்னர் தமது கைகளில் ஆயுதங்களை ஏந்தினார்கள். கடாபியின் படையினரை எதிர்த்து துணிந்து நின்று போராடினார்கள். பின்னர் அப் போராட்டம் ஒரு சிவில் யுத்தமாக பரிணாமம் பெற்றது.

இங்குதான் கடாபி பாரிய வரலாற்றுத் தவறொன்றை இழைத்தார். தருணம் பார்த்துக் காத்திருந்த மேற்கு நாடுகள் லிபியாவுக்குள் மூக்கை நுழைக்க வழி திறந்து கொடுத்ததே கடாபி இழைத்த அந்த வரலாற்றுத் தவறாகும்.

தனது நண்பர்களான பென் அலியையும் முபாரக்கையும் கடாபி உதாரணமாகக் கொண்டு பதவி துறந்திருக்கலாம். இல்லையேல் அரசியல் சீர்திருத்தத்திற்கு வழிவகுத்திருக்கலாம். அரசியல் கட்சிகளுக்கு அனுமதியளித்து தேர்தல் ஒன்றை நடத்தி ஜனநாயகத்தை நிலைநாட்ட முனைந்திருக்கலாம்.

ஆனால் தனக்கே உரித்தான ‘கர்வம்’ கடாபியின் கண்ணை மறைத்துவிட்டது. தானே ‘அரசர்களுக்கெல்லாம் அரசன்’ என்ற கடாபியின் நினைப்பே இறுதியில் அவர் முகத்தில் மண்ணை வாரிப் போட்டுவிட்டது.

கடாபி இயல்பிலேயே பிடிவாதக்காரர். 42 வருடங்கள் ஆட்சி செய்தபோதிலும் அவருக்கு தனது இராஜபோக வாழ்க்கை மீதான பற்றுதல் குறைந்துவிடவில்லை. கூடவே அவரது மனைவி, மகள் மற்றும் மகன்களுக்கும்தான்.

அவர்களாவது கடாபிக்கு ஆலோசனை கூறி அவரை ஆட்சியிலிருந்து ஒதுங்கவோ அல்லது சீர்திருத்தங்களை மேற்கொள்ளவோ நிர்ப்பந்தித்திருந்தால் இன்று தமது அன்புக்குரிய கணவரை - தந்தையை  பரிதாபகரமாக இழக்க வேண்டி ஏற்பட்டிராது.

ஆக கடாபி சரியான தருணத்தில் சரியான முடிவை மேற்கொள்ளாமையானது கிளர்ச்சிப் படையினருக்கும் மேற்கு நாடுகளுக்கும் சாதகமாக அமைந்துவிட்டது.

நேட்டோ நாடுகள் கிளர்ச்சியாளர்களுக்கு ஆயுதங்களை அள்ளி வழங்கின. போதாக்குறைக்கு விமானங்களை அனுப்பி கடாபியின் நிலைகள் மீது குண்டு மாரி பொழிந்தன.

கடாபியும் சளைக்கவில்லை. தனது நாட்டு மக்கள் என்றும் பாராது கிளர்ச்சியாளர்களைக் கொன்றொழித்தார். கிளர்ச்சியாளர்களும் தமது சகோதரர்கள் என்றும் பாராது கடாபியின் ஆதரவாளர்களையும் படையினரையும் கொன்றொழித்தார்கள்.

ஈற்றில் ஒரேநாட்டு சகோதரர்களே ஒருவரை ஒருவர் சுட்டுக் கொலை செய்யும் நிலை. லிபியா எங்கும் இரத்தமும் பிணங்களுமே காட்சியளித்தன.

எட்டு மாத காலமாகத் தொடர்ந்த இந் நிலைக்கு கடந்த 20ஆம் திகதி அதவாது கடாபி கொல்லப்பட்ட பின்னர்தான் முற்றுப் புள்ளி வைக்கப்பட்டது.

கடாபியையும் அவரோடு எஞ்சியிருந்த சிலரையும் அழிப்பதற்காக சிர்ட் நகரை முழுமையாகவே குண்டு வீசி சின்னாபின்னமாக்கின நேட்டோ விமானங்கள்.

கடைசியில் ஒரு கழிவு நீரோடைக் குழாய்க்குள் பலத்த காயங்களுடன் வீழ்ந்து கிடந்தார் கடாபி. அந்தக் குழாய்க்குள் கடாபிதான் இருக்கிறார் என்று தெரியாமல்தான் கிளர்ச்சிப் படையினர் அவரைக் கைது செய்தார்கள். பின்னர் அவர்தான் கடாபி என்பதைக் கண்டறிந்து வாகனம் ஒன்றில் ஏற்றிச் சென்று சுட்டுக் கொலை செய்திருக்கிறார்கள்.

ஆபிரிக்க தேசத்திலேயே ‘அரசர்களுக்கெல்லாம் அரசர்’ என புகழ்ந்து வர்ணிக்கப்பட்ட கடாபி கடந்த 20 ஆம் திகதி மிகவும் மோசமான முறையில் வீதியில் இழுத்துச் செல்லப்பட்டார். சப்பாத்துக் கால்களால் உதைத்துக் கேவலப்படுத்தப்பட்டார். அவர் எங்களை எலிகள் என அழைத்தார். ஆனால் அவர்தான் ஒரு எலியைப் போல பதுங்கியிருந்தார்" என கடாபியை கைது செய்த கிளர்ச்சியாளர் ஒருவர் தெரிவித்த கருத்து இந்த இடத்தில் ஞாபகிக்கத்தக்கதாகும்.

எது எப்படியிருப்பினும் கடாபி எனும் ஒரு சகாப்தம் இன்று வீழ்த்தப்பட்டுவிட்டது. அந்த வீழ்ச்சி ஒரு சாராருக்கு மகிழ்ச்சியையும் விடுதலையையும் அளித்திருப்பதைப் போலவே மற்றுமொரு சாராருக்கு அதிர்ச்சியையும் கவலையையும் கொடுத்திருக்கிறது. ஆனாலும் அந்த மகிழ்ச்சியோ விடுதலையோ அதிர்ச்சியோ கவலையோ இப்போதைக்கு முக்கியமல்ல. மாறாக லிபியா எனும் வளம்கொழிக்கும் தேசத்தின் எதிர்காலமே முக்கியமானதாகும்.

லிபியாவின் எதிர்காலத்தை அதன் இடைக்கால அதிகார சபை பொறுப்பேற்றிருக்கிறது. எட்டு மாதங்களுக்குள் தேர்தல் ஒன்றை நடத்தி மக்கள் பிரதிநிதிகளைத் தெரிவு செய்யப் போவதாக அதன் தலைவர் முஸ்தபா அப்துல் ஜலீல் உறுதியளித்திருக்கிறார்.

புதிய அரசியல் யாப்பை வரைந்து அதில் இஸ்லாமிய ஷரீஆ சட்டத்திற்கு முன்னுரிமையளிக்கப்போவதாக  இடைக்கால அதிகார சபை அறிவித்தல் விடுத்திருக்கிறது.  இந்த அறிவிப்பு மேற்குலகில் சலசலப்பை ஏற்படுத்தியிருந்தாலும் அரபுலகப் புரட்சிக்குக் கிடைத்த மாபெரும் வெற்றி என்றே கருத வேண்டியிருக்கிறது. ஆனால் அந்த வெற்றிக்காக லிபிய மக்கள் கொடுத்திருக்கும் விலைதான் மிக அதிகமானது!

நன்றி: விடிவெள்ளி

இஸ்ரேல் பற்றிய ஊடகங்களின் பத்து பெரிய பொய்கள்

Source-naharvu.blogspot.com

மைக்கல் கோலன் (Michel Collen) ஒரு பெல்ஜிய எழுத்தாளர் அதுபோல் அவர் ஒரு ஊடகவியலாளரும் கூட.அவர் இஸ்ரேல் பற்றி எழுதிய புத்தகமான ” Isrel – Let’s Talk About It ” என்ற புத்தகத்தில் இஸ்ரேல் பற்றி பொய்யான தகவல்கள் பரப்பி இஸ்ரேலுக்கு அனுதாபம் தேடிக்கொடுத்துக் கொண்டிருக்கிற அமெரிக்க மற்றும்  ஐரோப்பிய ஊடகங்களை கடுமையாக சாடியுள்ளார்.அவர் இதை தனது புத்தகத்தில் “பத்து பெரிய பொய்கள்” என்ற தலைப்பின் கீழ் மிகத் துல்லியமாக விவரித்துள்ளார்.

இவை இஸ்ரேலின் இருப்பையும் அதன் கொடூர செயற்பாடுகளையும் நியாயப்படுத்த மேற்கத்தைய  ஊடகங்களால் பயன்படுத்தப்பட்டு வருபவை என்பது குறிப்பிடத்தக்கது.

1.இஸ்ரேல் என்ற நாடு ஐரோப்பாவில் யூதர்கள் படுகொலை செய்யப்பட்டமையால் உருவாக்கப்பட்டது.இந்த கருத்து முற்றிலும் தவறானது அதுபோல் சுத்தப் பொய்யானது.ஏனெனில் தேசியவாத யூதர்கள் பலஸ்தீன பூமியை ஆக்கிரமிக்க திட்டமிட்டு முடிவு எடுக்கப்பட்டது 1897 ஆம் ஆண்டாகும்,1897 ஆம் ஆண்டு சுவிசர்லாந்து பேசல் நகரில் இடம்பெற்ற முதலாவது சியோனிச காங்கிரஸ் மாநாட்டில் இதற்கான அங்கீகாரம் வழங்கப்பட்டது.இதிலிருந்து விளங்கிக் கொள்ள வேண்டிய விடயம் என்னவென்றால் யூதர்கள் படுகொலை செய்யப்பட்டமை இஸ்ரேல் என்ற நாடு உருவாக்க மேட்கோள்ளப்பட்ட திட்டங்களின் ஒரு படியேயாகும்.

 

முதலாவது சியோனிச மாநாடு – 1897 சுவிஸ்.

 

2.இஸ்ரேல் என்ற நாட்டின் உருவாக்கத்தை நியாயப்படுத்த முன்வைக்கப்படும் அடுத்த பொய் என்னவென்றால்,இஸ்ரேல் என்பது யூதர்களின் முன்னோர்களின் பூமி.யூதர்களை கி.பி.70 இல் ரோம தளபதியான டைடஸ் யூதர்களின் சொந்த பூமியிலிருந்து வெளியேற்றியதாக ஒரு வரலாறு பரவலாக கூறப்பட்டுவருகிறது.நிச்சயமாக இது ஒரு கதை மட்டுமேயாகும்.நான் யூத வரலாற்றாசிரியர்களில் மிகவும் பிரசித்தி பெற்ற ஒருவரான ஷலோமோ சாண்ட் என்பவரோடு உரையாடியுள்ளேன்.அவரின் கருத்துப்படி பலஸ்தீன பூமியிலிருந்து எந்தவித வெளியேற்றங்களும் வரலாற்றில் இடம்பெறவில்லை,ஆகவே தாய் பூமிக்கு திரும்பி வரல் என்ற விடயம் அர்த்தமற்றது என்றார்.

 தற்காலத்தில் பலஸ்தீனில் வாழும் மக்களே ஆதி யூதர்களின் உண்மையான  பரம்பரை,1947 இல் ஐரோப்பாவிலிருந்து வந்தவர்கள் அல்ல.இந்த பூமியில் வாழ்த்த மக்கள் இந்த பூமியை விட்டு எங்கும் செல்லவில்லை என்று மேலும் சொல்லுகிறார் ஷலோமோ சாண்ட் அவர்கள் மேலும் அவர் கூறியதாவது யூத தேசம் என்ற ஒரு தேசம் வரலாற்றில் எங்கும் இருக்கவில்லை,ஏன்
யூதர்களுக்கு அவர்களுக்கே சொந்தமான மொழி,கலாச்சாரம் மற்றும் வரலாறு கூட இருக்கவில்லை.அவர்களுக்கு இருந்தது அவர்களிம் மதம் மதம் மட்டுமேயாகும்,ஒரு நாளுமொரு மதம் ஒரு நாட்டை உருவாக்குவதில்லை என்றார்.

The sack of Jerusalem, from the inside wall of the Arch of Titus, Rome

3.பலஸ்தீனை யூத குடியேற்ற ஆக்கிரமிப்பாளர்கள் ஆக்கிரமித்த போது பாலஸ்தீன் மனித சஞ்சாரமற்ற விவசாயத்துக்கு பொருந்தாத ஒரு பூமியாகவே இருந்தது.இது மேற்கத்தைய மீடியாக்கள் முன்வைக்கும் மூன்றாவதும் அர்த்தமற்றதுமான பொய்யாகும்.ஏனென்றால் பத்தொம்பதாம் நூற்றாண்டுகளில் உலகின் பல்வேறு பகுதிகளுக்கு பிரான்ஸ் உட்பட பலஸ்தீனத்தின் விவசாயப்பொருட்கள் ஏற்றுமதி செய்யப்பட்டதற்கான எழுத்துமூலமான் ஆதாரங்கள் நிறையவே உள்ளன.

Jaffa Between 1898 – 1914

 

4.நான்காவது பொய் என்னவெனில் சிலர் கூறுகின்றனர் எப்படியெனில் பாலஸ்தீனியர்கள் தமது சொந்த பூமியை அவர்களின் விருப்பத்தின் பேரிலே விட்டுச்சென்றனர் என்று.இதை பலர் நம்புகின்றனர் ஏன் நான் கூட நம்பியிருந்தேன்.இது மாபெரும்போயாகும்.இதை இஸ்ரேலிய வரலாற்றாசிரியர்கள் கூட மறுத்திரிகின்றனர்.பென்னி மொரிஸ் மற்றும் இலான் பெப்பே ஆகிய இஸ்ரேலிய வரலாற்றாசிரியர்களின் கருத்துப்படி ஆயுதனகள் மற்றும் பயங்கரவாதம் என்பவற்றை பயன்படுத்தியே பலஸ்தீன மக்களை யூதர்கள் வெளியேற்றினர்,அவர்கள் தாமாக வெளியேறவில்லை.

Palestine refugees.

5.மத்தியகிழக்கில் காணப்படும் ஒரே ஒரு ஜனநாயக நாடு இஸ்ரேல் ஆகும்.அதை நாம் பாதுகாக்கவேண்டும்.இது அடுத்த பொய்யாகும்.எந்தவொரு ஜனநாயக நாட்டுக்கும் ஒரு சட்டம் உண்டு அதுபோல் வரையறுக்கப்பட்ட எல்லைகளும் உண்டு.உலகில் உள்ள அனைத்து ஜனநாயக நாடுகளிலும் இது காணப்படுகிறது,அனால் இஸ்ரேலைத் தவிர.இஸ்ரேல் எல்லையில்லா நீடிப்புத்திட்டம் கொண்ட ஒரு இதுவரை வரையறுக்கப்படாத நாடு.மேலும் இஸ்ரேலின் சாதனைகள் பாரிய இனவாதக் கருதுகொள்களைக் கொண்ட ஒரு சட்ட முறையாகும்.

No Legal Boundaries Yet.This Their Dream.

 

6.அமெரிக்க இஸ்ரேலை பாதுகாப்பதினூடாக மத்திய கிழக்கில் ஜனநாயகத்தை பாதுகாக்கிறது.இது ஒரு மாயை கலந்த பொய்யாகும்.இஸ்ரேலுக்கான அமெரிக்காவின் வருடாந்த செலவு மூன்று பில்லியன் டொலர்களாகும்.ஜனநாயக அமெரிக்காவின் இந்த பணம் அவ்வருடம் முழுக்க அப்பாவி பலஸ்தீன மக்களை அடிமைப்படுத்தவே பயன்படுகிறது.ஆனால் மத்திய கிழக்கில் அமெரிக்காவின் முக்கிய நோக்கம் ஜனநாயகம் அல்ல,அங்குள்ள எண்ணெய் வளங்களே.

American Democracy.

7.அமெரிக்க பாலஸ்தீனுக்கும் இஸ்ரேலுக்கும் இடையே ஒரு நிரந்தர உடன்பாட்டை மேற்கொள்ள போராடிவருகிறது.இது முற்றிலும் உண்மைக்கு புறம்பான விடயமாகும்.ஐரோப்பிய ஒன்றியத்தின் முன்னைநாள் வெளிநாட்டு கொள்கைவகுப்பாலராக கடமையாற்றிய ஜாவியர் சொலோனா குறிப்பிடுகையில் “இஸ்ரேல் என்பது ஐரோப்பிய ஒன்றியத்தின் 21 ஆவது நாடாகும்”என்றார்.ஐரோப்பிய ஆயுத உற்பத்தியாளர்களுக்கும் இஸ்ரேலிய இராணுவத்துக்கும் இடையே பல உடன்பாடுகள் காணபடுகின்றன.

 

8.Antisemitism இது மேற்கத்தைய ஊடகங்களில் பாவிக்கப்படும் இன்னொரு இஸ்ரேலிய அனுதாப ஆயுதம்.நீங்கள் பலஸ்தீன வரலாற்றை நன்கு ஆராய்ந்து இஸ்ரேல் பற்றிய உண்மைகளை உலகுக்கு சொன்னாலோ அல்லது பலஸ்தீன – இஸ்ரேல் பிரச்சனையில் இஸ்ரேலிய நலனைமட்டும் நோக்காகக் கொண்டு செயற்படும் அமெரிக்க மற்றும் அதன் கூட்டாளிகளின் முகத்திரியை கிழித்தாலோ உங்களுக்கு கிடைக்கும் பட்டமே Anti-Semiteஆகும்.இந்த ஆயுதம் கொண்டு உங்கள் வாய்களை மூட நினைக்கின்றனர்.

  ஆனால் நாம் இஸ்ரேலை கண்டிப்பதன் நோக்கம் இனத்துவேசமோ அல்லது Antisemitismஅல்ல.நாம் கண்டிப்பது மூன்று இன மக்களிடமும் சம அளவில் நடந்துகொள்ளதா அப்பாவி மக்களை அடிமைப்படித்தி வைத்திருக்கும் அரசாங்கத்தேயாகும்.இப்படிப்பட்ட பொறுப்பு அற்ற அரசாங்கங்களின் நடவடிக்கை  காரணமாக மூன்று இன மக்களிடையே ஒரு பிரச்சனை இருந்தவண்ணமே உள்ளன.

To Keep You Silent

 

9.வன்முறை மற்றும் பயங்கரவாதம் தொடர்பில் மேற்கத்தைய ஊடங்கள் பெரும்பாலும் பலஸ்தீனையே குற்றம் சாட்டுகின்றனர்.முழு உலகுக்கும் தெரியும் யார் அப்பாவி மக்கள் மீது பயங்கரவாதத்தையும் வன்முறையையும் பாவிக்கிறார்கள் என்று.

Israeli girls write messages on shells

10.பலஸ்தீன – இஸ்ரேல் பிரச்சனைக்கு தீர்க்க வழியில்லை இது தற்போது அடிக்கடி எழுப்பபபட்டுவரும் ஒரு கருத்தாகும்.இது சுத்தப் பொய்.தீர்வில்லாதது பலஸ்தீன – இஸ்ரேல் பிரச்னைக்கு அல்ல தீர்வில்லாதது இஸ்ரேளாலும் அதன் கூட்டாளிகளாலும் உருவாக்கப்பட்டு நடைமுறைபடுத்தப்பட்டு வரும் வெறுப்புக்கும் காழ்ப்புணர்ச்சிக்குமேயாகும்.பலஸ்தீன – இஸ்ரேல் பிரச்சனைக்கு தீர்வுக்கான முதலில் இஸ்ரேல் பற்றியும் அதன் கொலைகார கூட்டாளிகள் பற்றியும் இவர்களின் உண்மையான முகங்கள் பற்றியும் உண்மைகள் ஊடகங்களில் வெளிவரவேண்டும்.இந்த கூட்டணிகளால் அப்பாவி பலஸ்தீன மக்கள் படும் துயரங்கள் வெளிக்கொனரப்பட வேண்டும்.இந்த நிலை வந்தாலே அந்நாட்டு மக்களால் அந்த அரசாங்கங்களுக்கு ஒரு அழுத்தத்தை பிரயோகிக்க முடியும்.

 

Award Winning Political Cartoon.By – Latuff.

Thanks To – Press Tv Article About Michel Collon’s Book.

Pictures From – Wikipedia (first 6 photos)

Cartoons From – Latuff.(Link)

எல்லா கட்டுரைகளும் விமர்சனத்துக்கு உட்பட்டவையே.தவறுகள் இருந்தால் சுட்டிக்காட்டவும்.

உங்கள் நண்பன் – எம்.ஹிமாஸ் நிலார்.

ஓபாமா: அமெரிக்காவின் முதல் யூத ஜனாதிபதியா ?

அஷ்ஷெய்க் எஸ் .எம்  மஸாஹிம் (இஸ்லாஹி)
 பலஸ்தீன அபாஸ் நிர்வாகம் ஐ.நா. பொது சபையில் பலஸ்தீனை இறைமையுள்ள சுதந்திர தனி நாடாக “sovereign, independent state” அங்கீகாரம் வழங்குமாறு கடந்த 16 ஆம் திகதி கோரியுள்ளது அந்த கோரிக்கை பெரும்பாலும் அமெரிக்கா, மற்றும் பிரிட்டனின் முயற்சியால் அமெரிக்காவின் வீட்டோவை பயன்படுத்தாமலேயே நிராகரிக்கப்பட்டு விடும் என்று எதிர்பார்க்கபடுகின்றது. இன்னும் சில தினங்களில் அதன் முடிவு தெரிந்து விடும். அமெரிக்காவும் பிரிட்டனும் மற்ற நாடுகளை குறிப்பாக ஐ.நா பாதுகாப்பு சபை அங்கத்துவ நாடுகளை கோரிக்கையை நிராகரிக்குமாறு அழுத்திவருகின்றது.

ஐ.நா வுக்கு வெளியில் 120 நாடுகள் பலஸ்தீனை தனி நாடாக அங்கீகரித்துள்ளது என்றாலும் ஐ.நா. பொது சபையில் பலஸ்தீனை 1967ஆம் ஆண்டு எல்லையை தற்போதைய பலஸ்தீன நாட்டின் எல்லைகளாக கொண்டு சுதந்திர நாடக அங்கீகரிக்க அப்பாஸ் நிர்வாகம் கெஞ்சி கொண்டிருகின்றது.ஆனால் அமெரிக்கா அந்த முயற்சியை நிராகரித்தும் அவ்வாறான எல்லை மற்றும் தனி நாட்டுக்கான அங்கீகாரம் பேச்சின் ஊடாக இஸ்ரேல்தான் வழங்க வேண்டும் என்று தெரிவித்துள்ளது. ஐ.நா. அதை வழங்க கூடாது வழங்க முற்பட்டால் வீட்டோவை பயன்படுத்துவேன் என்று அமெரிக்கா தெரிவித்துவருகின்றது.

பலஸ்தீன் சுதந்திர நாடு என்பதை எவரிடமும் மண்டியிட்டு கெஞ்சி கொண்டிருக்க வேண்டியதில்லை என்று ஹமாஸ் தனது நிலைப்பாட்டிலும், செயல்பாட்டிலும் உறுதியாகவுள்ளது. இது அப்பாஸின் தனிப்பட்ட முயற்சி பலஸ்தீனர்களின் தேசிய தீர்மாங்கள் அதில் உள்வாங்கப் படவில்லை இடையில் நின்று விட்ட பலஸ்தீன்- இஸ்ரேல் போச்சை மீண்டும் ஆரம்பிக்க தேவையான முயற்சி மட்டும்தான் இது என்று தெரிவித்துள்ளது.

கடந்த ஒரு வருட காலமாக ஸ்தம்பித்து போயுள்ள பலஸ்தீன் – இஸ்ரேல்  சமாதானப் பேச்சு வார்த்தையை மீளவும் ஆரம்பிப்பது தொடர்பாக அமெரிக்காவும் பிரிட்டனும் முயற்சிகளை மேற்கொண்டு வரும் வேலையில் இஸ்ரேலின் உள்நாட்டு அமைச்சு புதிதாக 1100 யூத குடியிருப்பு தொகுதிகளை ஆக்கிரமிக்கப்பட்ட கிழக்கு ஜெருசலத்தில் நிர்மாகிக்கப் போவதாக நேற்று 28.09.2011 அறிவித்துள்ளது.

இஸ்ரேலின் அடாவடிதனங்களை கண்டுகொள்ளதா அமெரிக்காவும் , பிரிட்டனும் பலஸ்தீனர்கள் கையை கட்டிகொண்டு பேச்சு மேசைக்கு போகவேண்டும் என்பதில்தான் குறியாக இருக்கிறது இந்த நியாயமற்ற அழுத்தங்களுக்கு ஹமாஸ் போன்ற போராட்ட அமைப்புகள் உடன்படாவிட்டாலும் அம்பாஸ் தலைமயிலான PLO நிர்வாகம் உடன்பட்டு போவது கடுமையான விமர்சனங்களை பெற்றுவருகின்றது.

இந்த நிலையில் இஸ்ரேலின் உள்நாட்டு அமைச்சின் 1100 யூத குடியிருப்பு தொகுதிகள் தொடர்பான அறிவிப்பை சமாளிக்கும் முகமாக அமெரிக்காவின் வெளிநாட்டு செயலளர் ஹிலாரி கிளிங்டன் இந்த குடியிருப்பு நிர்மான திட்டம் நேரடி பேச்சுக்கான தமது முயற்சிக்கு எதிர் விளைவை தருவதாக தெரிவித்துள்ளார். மேற்கு நாடுகள் சில தமது செல்லப் பிள்ளையை கண்டிப்பது போன்று கண்டித்துள்ளது.

அதேவேளை ஹமாஸ் இன்று 28.09.2011 வெளியிட்டுள்ள   அறிக்கையில் குடியேற்றங்களை இஸ்ரேல் தொடர்ந்தும் மேற்கொண்டு வரும்  நிலையில் பேச்சு என்பது பயனற்றது இஸ்ரேல் பலப்பிரயோகம்  என்ற மொழியைமட்டும்தான் விளங்கிக்கொள்ளும் என்று  தெரிவித்துள்ளது.

கிழக்கு ஜெருசலம் பலஸ்தீனர்களின் தலைநகரம் என்று பலதீனர்கள் கோரிவருகின்றனர். அதேவேளை இஸ்ரேல் ஜெருசலம் முழுவதும் தனது தலைநகரம் என்பதில் எந்த விட்டுக்கொடுப்பும் செய்யமுடியாது என்று உறுதியாக தெரிவித்து வருகின்றது. கிழக்கு ஜெருசலத்தில் இருந்து பலஸ்தீனர்களை வெளியேற்றுவதும் அவர்களின் குடியிருப்புகளை தகர்த்து அந்த இடங்களில் யூத குடியுருப்புகளை நிர்மாணிப்பதுமாக ஆக்கிரமிப்பு வேட்டையில் உள்ளது இஸ்ரேல்.

மேற்கு கரை பகுதியில் இருந்து இஸ்ரேல் வெளியேறவேண்டும் என்று பலஸ்தீனர்கள் தெரிவிக்கின்றனர் ஆனால் இஸ்ரேல் அது ஒருபோதும் முடியாத விடையம் என்று உறுதியாக கூறுகின்றது. மேற்கு கரை பகுதியில் புதிய இராணுவ குடியிருப்புகளையும் உருவாக்கி தொடர்ந்து நிர்மாணித்து வருகின்றது. மறுபுறத்தில் அமெரிக்காவும் பிரிட்டனும் போசுங்கள் என்ற அழுத்தத்தை அப்பாஸ் நிர்வாகத்துக்கு கொடுத்து வருகின்றது. இந்த நிலையில் மீண்டும் தொடரபோகும் பேச்சு எந்த பலனை தரபோகின்றது என்பது விடைதெரிந்த கேள்வி.

அப்பாஸ் நிர்வாகமும் இஸ்ரேலும் பலஸ்தீனர்களை ஏமாற்றி பலஸ்தீனர்களின் பல நிலங்களை இஸ்ரேலுக்கு விட்டு கொடுக்கும் வாக்குறுதிகளை வழங்கியதுடன் பலஸ்தீன போராளிகள் பலரையும் இஸ்ரேலுக்கு காட்டி கொடுக்கும் வேலையையும் செய்தமை அல் ஜசீரா ஆதாரங்களுடன் வெளிபடுத்தியிருந்தது என்பது குறிபிடத்தக்கது.

கடந்த திங்கள் கிழமை 26.09.2011 இஸ்ரேல் ஜனாதிபதி ஷிமோன் பெரெஸ் கருத்துரைகையில் பலஸ்தீன ஜனாதிபதி அப்பாஸ்தான் இஸ்ரேல் பேச்சு வார்த்தை செய்வதற்கு மிக சிறந்த தலைவர் என்று தெரிவித்திருந்தார் என்பது குறிபிடத்தக்கது

இந்த நிலையில் மீண்டும் ஏற்படபோகும் பேச்சு பலஸ்தீனர்களுக்கு பயன் உள்ளதாக அமையாது என்பதைத்தான் நிகழ்வுகள் காட்டுகின்றது .ஆரம்பிக்க போகும் பேச்சு இதுவரை ஆக்கிரமிப்பு இஸ்ரேல் அரசாங்கம் மேற்கொண்டு வரும் எந்த நடவடிகையையும் பாதிக்காது அவைகள் தொடர்ந்தும் இடம்பெறும். இஸ்ரேல் ஆக்கிரமிப்பு அரசு கிழக்கு ஜெருசலத்தில் மேற்கொண்டு வரும் எந்த அகழ்வு நடவடிக்கைகளையும் பாதிக்காது என்பதுடன் பேச்சு எந்த வகையிலும் சட்டவிரோத ஜெருசலத்தின் நில அகழ்வையும் தடுத்து நிறுத்தாது என்பது குறிபிடதக்கது.

இஸ்ரேல் ஆக்கிரமிப்பு அரசு ஜெருசலம் பிரதேசத்துக்கு கீழாக கடந்த 40 ஆண்டுகளாக பலஸ்தீனர்களின் குடியிருப்புக்கள் , மஸ்ஜிதுகள் போன்ற வற்றை கீழால் ஊடறுத்து நிலத்தை அகழ்ந்து குடைந்து வருகின்றது. ஜெருசலத்தில் இதுவரை அகழப்பட்டுள்ள சுரங்கங்களை ஒன்றாக இணைத்து ஒரு பாரிய சுரங்க வலையமைப்பை துறக்கவும் வேலைகள் செய்துவருகின்றது .

இந்த சட்டவிரோத நில அகழ்வு மஸ்ஜிதுல் அக்ஸா பகுதியையும் விட்டுவைக்கவில்லை. இந்த அகழ்வினால் மஸ்ஜிதுல் அக்ஸா பகுதியில் ஆபத்தான நில வெடிப்புகளும் குழிகளும் தோன்றி வருகின்றது. தொல்பொருள் ஆராய்ச்சி என்ற பெயரில் இஸ்ரேல் ஆக்கிரமிப்பு அரசு மஸ்ஜிதுல் அக்ஸாவின் அருகிலும் 65 மற்றும் 22 மீட்டர் அகலம் கொண்ட இரு நிலச் சுரங்க வழிகளை ஏற்கனவே அகழ்ந்துள்ளது. அதற்கு மேலதிகமாக பல இடங்களில் மறைமுகமாக அகழ்ந்து வருகின்றது. இவற்றை தொடங்கபோகும் அந்த பேச்சால் இடைநிறுத்தக் கூட முடியாது என்பது குறிபிடத்தக்கது. அப்படியான எந்த நிபந்தனைக்கும் இஸ்ரேல் உடன்படாது என்பதுடன் அமெரிக்கா அத்தகைய நிபந்தனைகளை ஏற்றுகொள்ளாது என்பது இஸ்ரேல் பலஸ்தீன் பேச்சுவார்த்தைகள் செல்லும் வரலாற்று செய்தி .

பலஸ்தீன அப்பாஸ் தலைமயிலான அரசாங்க அதிகாரிகள் இஸ்ரேலுடன் பலஸ்தீன மக்களுக்கு துரோகமிழைக்கும் வகையிலான பலஸ்தீன மக்கள் உரிமைகளை விற்பனை செய்யும் விதமாக கடந்த 2008ஆம் ஆண்டு ஜூன் மாதம் அமெரிக்காவின் முன்னால் வெளிவிவகார செயலாளர் கோண்டோலீசா ரைஸ், இஸ்ரேல் வெளிநாட்டு அமைச்சர் லிவ்னி, பலஸ்தீன் முன்னால் பிரதமர் அஹ்மத் குரெய், பலஸ்தீன் பேச்சுவார்த்தை குழுவின் தலைவர் சாயிப் எறேகட் ஆகியோர் கலந்து கொண்ட பேச்சுவார்த்தையில் PA_PLO அதிகாரிகள் மேற்குக்கரை மற்றும் கிழக்கு ஜெருசலம் ஆகிய பகுதிகளில் பெரும் பகுதியை இஸ்ரேலுக்கு தாரை வார்க்க முன்வந்துள்ளனர் என்ற நம்பகமான இரகசிய தகவல்கள் வெளியானமை குறிபிடத்தக்கது.

இந்த செய்திகள் ஏன் அமெரிக்காவும் பிரிட்டனும் அப்பாஸ் நிர்வாகத்துடன் இஸ்ரேல் பேசவேண்டும் என்ற நிலைப்பாட்டில் உள்ளது என்பதற்கு சிறந்த எடுத்து காட்டு. இதேவேளை கடந்த திங்கள் கிழமை 26.09.2011 இஸ்ரேல் ஜனாதிபதி ஷிமோன் பெரெஸ் பலஸ்தீன ஜனாதிபதி அப்பாஸ்தான் இஸ்ரேல் பேச்சு வார்த்தை செய்வதற்கு மிக சிறந்த தலைவர் என்றும் அவரை தனது நண்பர் என்றும் தெரிவித்திருந்தார் என்பது குறிபிடத்தக்கது .

அமெரிக்கா ஜனாதிபதி ஒபாமா அமெரிக்காவில் இயக்கும் இஸ்ரேலிய முக்கிய அரசியல் அழுத்த அமைப்பான அமெரிக்க இஸ்ரேலிய பொது விவகார அமைபப்பு- American Israel Public Affairs Committee (AIPAC) யின் வருடாந்த பொது கூட்டத்தில் கலந்து கொண்டு உரையாற்றிய போது ஐநா சபையின் ஊடாக பலஸ்தீன் தேசத்தை உருவாக்க பலஸ்தீனர்கள் மேற்கொள்ளும் முயற்சியை நிராகரித்ததுடன் இஸ்ரேலை பாதுகாக்கும் இருபு அரணாக-ironclad- வொசிங்டன் இருக்கும் என்றும் தெரிவித்து தனது முழு விசுவாசத்தை இஸ்ரேலுக்கு காட்டினார்.

இப்படி உரையாற்ற சில தினங்களுக்கு முன்னர் ஒபாமா இஸ்ரேல் 1967 ஆம் ஆண்டில் தான் கொண்டிருந்த தனது எல்லைப் பகுதிக்கு திரும்பி செல்லவேண்டும் என்று தெரிவித்திருந்தார். ஆனால் இஸ்ரேலிய அரசியல் அழுத்த குழுவின் முன்னாள் அவரின் சொந்த கருத்தில்  சில தினங்கள் கூட அவரால் இருக்க முடியவில்லை . இஸ்ரேலினால் வழிநடத்தப்படும் அரசியல் அழுத்த குழுவின் ஆளுமைக்கு உட்பட்டு தனது இஸ்ரேல் பக்கசார்பு விசுவாசத்தை AIPACயில் மீண்டும் உறுதிப்படுத்தினார்.

இஸ்ரேல் 1967 ஆம் ஆண்டில் தான் கொண்டிருந்த தனது எல்லைப் பகுதிக்கு திரும்பி செல்லவேண்டும் என்ற அமெரிக்கா ஜனாதிபதி பராக் ஒபாமா தெரிவித்தமைக்கு இஸ்ரேல் பிரதமர் பின்யமின் நேதன்யாஹு தனது கண்டனத்தை தெரிவித்ததுடன் இஸ்ரேலிய ஆதரவு அமைப்புகள் தமது வலுவான எதிர்ப்பை தெரிவித்தன விளைவு தனது தேர்தல் நடவடிக்கைகளுக்கு பெரும் பங்களிப்பு வழங்கிய யூதர்களின் அவையில் மீண்டும் ஒபாமா தனது இஸ்ரேல் விசுவாசத்தை நிரூபித்தார் என்பது குறிபிடதகக்து. தவறியிருந்தால் எதிர்வரும் அமெரிக்க ஜனாதிபதி தேர்தலுக்கான நிதி இன்றி தவிக்க ஏன் தோல்வி காண நேரிடும் என்பது ஒபாமாவுக்கு தெரிந்த விடயம்.

இஸ்ரேல் என்ற சட்டவிரோத நாட்டை அமெரிக்காவும் , சியோனிசமும் உருவாக்கியது தற்போது அமெரிக்காவை சியோனிசம்தான் நிர்வகித்து வருகின்றது என்பதைத்தான் மேகண்ட சம்பவம் எடுத்து காட்டுகின்றது. அமெரிக்காவில் வெளிவரும் சர்வதேச மட்டத்திலும் பிரபல்யமான நியூ யோர்க் சஞ்சிகை Obama: America’s ‘first Jewish president’? ஓபாமா அமெரிக்காவின்    முதல் யூத ஜனாதிபதியா ? என்ற தலைமயில் ஒரு கட்டுரையை பதிவு செய்துள்ளது அந்த கட்டுரையை அமெரிக்கா ஜனாதிபதி ஒபாமாவுக்கு பிரதான நிதி வசூலிப்பவரான John Heilemann என்பவர் எழுதியுள்ளார். அந்த கட்டுரையில் அமெரிக்க ஜனாதிபதிகளில் இஸ்ரேலுக்கு கடும் போக்கு ஆதரவாளரான முன்னாள் அமெரிக்க ஜனாதிபதி புஷ்ஷை விஞ்சிவிட்டார் ஒபாமா என்று தெரிவித்துள்ளார் .

அரசியல் ராஜதந்திர நடவடிக்கைகள் முன்னெடுக்க படவேண்டும் அதேவேளை இஸ்ரேல் எதிர்ப்பு போராட்டம் தொடரவேண்டும் என்ற உறுதியானதும் பொருத்தமானதுமான நிலைப்பாட்டிலும் செல்பாட்டிலும் ஹமாஸ் தொடந்து உறுதியா இயங்கிவருகின்றது. இரகசிய விட்டுகொடுப்புகளுக்கு உடன்படுவது பலஸ்தீனர்களுக்கு மட்டும் செய்யும் துரோகம் அல்ல முழு முஸ்லிம் உம்மாவுக்கும் செய்யும் துரோகம் என்று ஹமாஸ் நம்புகின்றது.

எல்லா ஒடுக்கு முறைகளையும் துப்பாக்கியில் இருந்து புறப்பட்டு  வரும் குண்டுகளினால் அடக்கி விடலாம் என்பதும். எல்லா அடக்கு முறைகளையும் வட்டமேசைப்  பேச்சுக்களினால் வென்றுவிடலாம்  என்பதும்  இஸ்லாமிய சிந்தனையல்ல.

Thanks: OurUmmah

வடக்கு பெண்கள் எதிர் நோக்கும் பிரச்சினைகளுக்கு இஸ்லாத்தில் தீர்வு

முஹம்மத் ஜான்ஸின்
யாழ்ப்பாணத்தில் பெண்களுக்கெதிரான வன்முறைகள் அதிகரித்து வருவதாக யாழ் அரசாங்க அதிபர் திருமதி இமெல்டா சுகுமார் தொடர்ச்சியாக கூறி வருகின்றார். இந்த விடயத்தை சமுதாய நலன் விரும்பிகள் அனைவரும் கவனத்தில் எடுக்க வேண்டும்.

யுத்தங்கள் மூலம் பாரிய உயிரழிவுகளை சந்தித்த ஒவ்வொரு நாடும் பிரதேசமும் இவ்வாறான வன்முறைகளை எதிர் நோக்கியதையே வரலாறு நமக்கு கற்றுத் தந்துள்ளது. முதலாம் உலக யுத்தத்தின் பின்னரும் இரண்டாம் உலக மகா யுத்தத்தின் பின்னரும் இவ்வாறான நிலமைகள் ஐரோப்பிய நாடுகளையும் அமெரிக்காவையும் ஆட்கொண்டிருந்தன. இந்த யுத்தங்களில் பல மில்லியன் ஆண் படை வீரர்கள் மாண்டனர்.

இதனால் யுத்தத்தில் பங்கு பற்றிய நாடுகளில் ஆண்களுக்கு பெரும் தட்டுப்பாடு ஏற்பட்டது. அதனால் விபச்சாரம் தலை தூக்கியது. ஆண் துணையின்றி வாழ்ந்த பெண்கள் வல்லுறவுகளுக்கு உள்ளாக்கப்பட்டார்கள். ஆணுக்குப் பதில் குடும்ப சுமைகளை சமாளிக்க பெண்கள் வேலைக்குச் செல்ல நிர்ப்பந்திக்கப் பட்டார்கள். வேலை செய்யுமிடங்களில் பெண்கள் பாலியல் துன்புறுத்தல்களுக்கு உள்ளானார்கள். இவ்வாறாக பெண்கள் மீதான தொடர் வன்முறைகள் தலைமுறை தலைமுறையான மேற்படி நாடுகளில் காணப்பட்டதால் பெண்கள் சமூகத்தில் தமக்கான அந்தஸ்தை இழந்து விட்டிருந்தனர். இந்த அடக்குமுறைகள் இறுதியில் பெண்களை பணிய வைத்து அவர்களின் தான்தோன்றித் தனமான செயற்பாடுகளுக்கு வித்திட்டது. இன்று ஐரோப்பாவில் பெருமளவிலான பெண்கள் திருமணம் முடித்துக் கொள்ளாமல் காலத்துக்கு காலம் ஒவ்வொரு நபர்களுடன் குடித்தனம் நடத்துகின்றனர். பாடசாலை மாணவிகள் பாடசாலை காலங்களிலேயே கருவுற்று பிரச்சினைகளை தோற்றுவிக்கின்றனர்.

இன்று அமெரிக்காவில் இரண்டு நிமிடத்துக்கு ஒரு பெண் வல்லுறவு புரியப்படுகின்றாள். ஒரு நாளைக்கு 720 பேரும் ஒரு வருடத்தில் 263000 பேரும் பாலியல் வல்லுறவு புரியப்படுகின்றனர். இங்கிலாந்தில் இது நாளொன்றுக்கு 230 பேராகவுள்ளது. இலங்கையில் வருடமொன்றுக்கு 26000 முறைப்பாடுகள் கிடைப்பதாக பொலிஸ் திணைக்களம் கூறியுள்ளது. இதற்கெல்லாம் காரணம் யுத்த அழிவுகள் கட்டுப்பாடற்ற கலாச்சாரம் மனித உரிமை என்ற பெயரில் ஆண்களை பாதுகாக்கும் சர்வதேச மற்றும் உள்நாட்டு சட்டங்கள் போன்றனவாகும்.

இந்த நிலமை இன்று இலங்கையையும் ஆட்கொண்டுள்ளது. வடக்கு கிழக்கில் ஆயிரக் கணக்கான இளைஞர்கள் ஆயுதமேந்தி சண்டையிட்டு மாண்டனர். அதே போன்று ஆயிரக்கணக்கான சிங்கள இளைஞர்களும் தமது உயிரை இழந்துள்ளனர். வடக்கு கிழக்கில் ஏறக்குறைய எழுபதாயிரத்துக்கு மேற்பட்ட தமிழ் வாலிபர்களும் சிங்கள பிரதேசங்களில் அதேயளவிலான சிங்கள வாலிபர்களும் இறந்துள்ளனர். மேலும் ஏராளமானவர்கள் ஊணமுற்றவர்களாக திருமணம் முடிக்க முடியாத ஒரு நிலையில் வாழ்கின்றனர். யுத்த காலத்தில் நிலவிய அமைதி இன்மை காரணமாக ஆறு இலட்சம் தமிழர்கள் நாட்டை விட்டு வெளியேறி ஐரோப்பிய நாடுகளிலும் கனடா அவுஸ்திரேலியா போன்ற நாடுகளிலும் குடியேறியுள்ளனர். அவர்களில் அரைவாசிப் பேர் திருமணமாகாதவர்கள். இவ்வாறான யுத்த உயிரிழப்புகள் மற்றும் புலம் பெயர்வுகளினால் உள்நாட்டில் ஆண்களுக்கான தட்டுப்பாடு நிலவுகின்றது. மறுபுறம் குடும்பங்கள் ஆண் தலைமையின்றி காணப்படுகின்றன.

இந்நிலையில் ஆண்களின் வன்முறைகளுக்கு உள்ளாகும் பெண்களின் நிலமையினை ஆராய்ந்தால் தனியாக இருக்கும் பெண்களே அதிகமாக வன்முறைகளுக்கு உள்ளாவதைக் காணலாம். தனியாக அலுவலகங்களில் வேலை செய்யும் பெண்கள் தனியாக வீட்டிலிருப்பவர்கள் வீட்டில் ஆண் துணையின்றி இருப்பவர்கள் இவ்வாறான பிரச்சினைகளை எதிர் நோக்குகின்றனர். யுத்தம் இடம்பெற்ற பிரதேசங்கள் இவ்வாறான பிரச்சினைகளை எதிர்கொள்ளவே செய்யும். அப்படியானால் தீர்வு என்ன என்று பார்த்தால் படிமுறையில் பல திட்டங்கள் நடைமுறைப்படுத்தப் பட வேண்டும்.

முதலாவதாக தனியாக இருக்கும் பெண்கள் விதவைகள் என்பவர்களுக்கு சட்டரீதியான துணைகள் ஏற்படுத்திக் கொடுக்க வேண்டும். புலம் பெயர் தமிழர்கள் அர்ப்பணிப்புடன் இந்த விடயத்தில் செயல்பட வேண்டும். வடக்கில் ஐந்து இலட்சம் பெண்களும் மூன்று இலட்சத்துக்கு சற்று கூடிய தொகையிலேயே ஆண்கள் உள்ளனர். எனவே தகுதியுள்ள வசதியுள்ள சில ஆண்கள் ஒன்றுக்கு மேற்பட்ட பெண்களை மணமுடிக்க முடியும் .

இரண்டாவதாக இந்துக் கலாச்சாரத்தில் ஆண்களும் பெண்களும் அதிகளவில் 30 வயதுக்கு பின்பே திருமணம் முடித்துக் கொள்கின்றனர். ஆனால் பெண்களினதும் ஆண்களினதும் உணர்ச்சி நரம்புகள் 15 வயதிலேயே வேலை செய்யத் தொடங்கிவிடுவதுடன் அந்த உணர்ச்சிகளை அடக்குவதற்கான வாய்க்கால்களையும் அவை தேடவைக்கின்றன. அதனால் தான் சிறு வயதிலேயே பெண் பிள்ளைகள் முறைகேடாக நடந்து கொள்ள முயற்சிக்கின்றனர். எனவே காலம் தாழ்த்திய திருமணங்கள் தவறுகளுக்கு காரணமாக அமைந்து விடக்கூடியவை. எனவே 18 வயதுக்கு மேற்பட்ட பெண்களும் இருபது வயதுக்கு மேற்பட்ட ஆண்களும் திருமணத்தை முடிப்பதற்கு தகுதியானவர்களாக காணப்பட்டால் அவர்களுக்கு உடனடியாக திருமணத்தை முடித்து வைப்பதே சிறந்தது.

மூன்றாவதாக பெண்கள் தனியாக அலுவலகங்களில் வேலை செய்வதையே தனியாக பிரயாணங்கள் செய்வதையோ தவிர்க்க வேண்டும். வேலை வாய்ப்பை பெறும் அவசரத்தில் அதிகமான பெண்கள் தமது பாதுகாப்பு பற்றிய விடயங்களை மறந்துவிடுகிறார்கள். மேலை நாடுகளில் வல்லுறவு புரியப்படும் பெண்களில் 7 வீதமானோர் அலுவலகங்களில் வைத்தே வன்முறைக்கு உள்ளாக்கப்படுகிறார்கள்.
அடுத்ததாக பாடசாலைக்கும் தனியார் வகுப்புகளுக்கும் செல்லும் பெண் பிள்ளைகள் என்ன செய்கிறார்கள் வகுப்புகளுக்கு ஒழுங்காக செல்கிறார்களா அவர்களது நண்பர்கள் யார் என்று ஆராய்ந்து அவர்கள் ஒழுங்கு படுத்தப்பட வேண்டும்.

இவ்வாறாக பெண்கள் தம்மை பாதுகாத்துக் கொள்ள பல விதிமுறைகளை பின்பற்றும் அதேவேளை ஆண்கள் பெண்கள் விடயத்தில் கண்ணியமாக நடந்து கொள்ள வேண்டும். குற்றம் செய்பவர்கள் கடுமையாக தண்டிக்கப்பட வேண்டும். இஸ்லாத்தில் வல்லுறவு புரிபவருக்கு மரண தண்டனை விதிக்கப்படுவதால் அத்தண்டனைக்கு பயந்து பலர் குற்றங்களில் ஈடுபடுவதில்லை. விபச்சாரத்தில் ஈடுபடும் ஆண் பெண் இருபாலாருக்கும் பகிரங்கமாக வைத்து கசையடிகள் வழங்கப்படுகின்றன. ஆண்கள் நான்கு வரையான பெண்களை திருமணம் முடிக்க அனுமதிக்கப்படுவதால் விதவைகள் தனியாக உள்ள பெண்களுக்கு சட்ட ரீதியான பாதுகாப்பு கிடைக்கின்றது. முஸ்லிம் ஆண்கள் பெண்களுக்கு மஹர் எனும் மணமகள் கொடை கொடுப்பதால் பெண்களைப் பெற்ற குடும்பங்கள் வரதட்சனை பிரச்சினைகளை எதிர் நோக்குவதில்லை.

இந்து கலாச்சாரம் பலதார மணம்புரிதலை ஏற்றுக் கொள்வதில்லை. விதவைகளும் சமூகத்தில் ஒதுக்கி வைக்கப்படுகிறார்கள். ஆனால் இஸ்லாத்தில் விதவைக்கும் மறுமணம் அனுமதிக்கப்பட்டுள்ளது. அதே போன்று ஒரு ஆண் ஒன்றுக்கு மேற்பட்ட பெண்களை திருமணம் முடிப்பதனூடாக விகிதாசார அடிப்படையில் ஆண்களை விட பெண்கள் அதிகமாக உள்ள நாடுகளில் அது ஒரு தீர்வாக அமைகின்றது. யுத்தம் என்பது இனியெப்போதும் வேண்டாம். இரண்டாம் உலக மகாயுத்தத்தில் அதிகமாக பிரித்தானிய இராணுவ வீரர்கள் கொல்லப்பட்டதால் அங்கு ஆண்கள் குறைவடைந்து பெண்கள் அதிகமாகி அதனால் விபச்சாரம் போன்ற சமூகச் சீரழிவுகள் தலை தூக்கின. இதனால் ஆண்கள் அவுஸ்திரேலியாவிலிருந்து வரவழைக்கப் பட்டு பிரித்தானிய பெண்களுக்கு மணமுடித்துக் கொடுக்கப்பட்டனர்.. மேலதிக பற்றாக்குறையை நிரப்பவே இலங்கை இந்தியா போன்ற நாடுகளில் நிலை கொண்டிருந்த இராணுவத்தினர் திருப்பியழைக்கப்பட்டனர். இதனால் தான் இலங்கையும் இந்தியாவும் 1948இல் சுதந்திரம் பெற்றன.

இன்று அவ்வாறானதொரு நிலை தான் யாழ்ப்பாணத்திலும் முல்லைத்தீவிலும் காணப்படுகிறது.எனவே இஸ்லாமிய வழிமுறைகளை இப்பிரதேசங்களில் உள்வாங்குவதன் மூலமாக அதிகரித்து வரும் பெண்கள் தொகையாலும் ஏனைய காரணங்களாலும் ஏற்படக்கூடிய பிரச்சினைகளுக்கு தீர்வு காணலாம் என்பது நோக்கப்பட வேண்டும்.

thanks: Lankamuslim

இஸ்ரேல் காஸா மீது விமான தாக்குதல் மேற்கொண்டுள்ளது

இஸ்ரேல் காஸா மீது விமான தாக்குதல் மேற்கொண்டுள்ளது, இஸ்ரேலின் விமான தாக்குதல்களில் ஒரு குழந்தை உட்பட குறைந்தது 6 பேர் கொல்லப்பட்டுள்ளனர் என்று பாலஸ்தீனிய தகவல்கள் கூறுகின்றன. இஸ்ரேலின் தெற்கு பகுதியான எய்லட் பகுதியில் இஸ்ரேல் இராணுவத்தினரை ஏற்றிவந்த பஸ்கள் மீது நடத்தப்பட்ட தாக்குதலில் 7 பேர் கொல்லப்பட்டனர்.

இதற்கு தாக்குதலுக்குதளை தாம் நடத்தவில்லை என்று காஸாவை ஆளும் ஹமாஸ் நிர்வாகம் தெரிவித்துள்ள போதும் இஸ்ரேல் விமாங்கள் காஸா மீது தாக்குதல் நடாத்தியுள்ளது.தாக்குதலுக்கான தொடர்பை மறுத்துள்ள ஹமாஸ் இஸ்ரேல் தாக்கினால் திருப்பி தாக்குவோம், ஹமாஸ் கைகளை கட்டி பார்த்து கொண்டிருக்காது என்று தெரிவித்திருந்தது.

இஸ்ரேலின் தெற்கு பகுதியான எய்லட் தாக்குதலில் இரண்டு இராணுவதினர் , மற்றும் ஐந்து இஸ்ரேலியர்கள் கொல்லப்பட்டு சில மணி நேரத்தில், இஸ்ரேல் காஸா மீது விமான தாக்குதல்களை நடத்தியுள்ளது. இஸ்ரேல் மீதான தாக்குதலுக்கு Popular Resistance Committees -PRC என்ற காஸாவில் இயங்கும் ஹமாஸுடன் இணையாத போராளிகள் அமைப்பு ஒன்று பொறுப்பு என்று இஸ்ரேல குற்றம் சாட்டியுள்ள போதும் அந்த PRC அமைப்பு அதை மறுத்துள்ளது.

இந்த இஸ்ரேல தாக்குதில் PRC அமைப்பின் தலைவர் ஒருவர் உட்பட நான்கு உறுப்பினர்கள் கொல்லபட்டுள்ளனர். என்று இஸ்ரேல தெரிவித்துள்ளது. இதேவேளை சில மணித்தியால இடைவெளியில் காஸா மீது இஸ்ரேல் இரண்டாவது தடவையாகவும் தாக்குதல் நடத்தியுள்ளது.

இதேவேளை இஸ்ரேலுக்குள் புகுந்து தாக்குதல் நடத்தியதாக தெரிவிக்கப்படும் ஏழு பலஸ்தீனர்களை  தாம் கொன்றுள்ளதாக இஸ்ரேல்  தகவல்கள்  தெரிவிக்கின்றது .இஸ்ரேலின் தாக்குதல் தொடர்வதால் ஹாமாஸ் இஸ்ரேல மீது திருப்பி தாக்குதல் நடத்தும் என்று எதிர்பார்க்கப்படுகின்றது.

ரமழான் கண்ட பத்ர் களம்

இஸ்லாமிய எழுச்சியின் மைல்கல்லாகத் திகழ்ந்த தியாக நிகழ்ச்சியே பத்ர் போராகும். இந்த போர் இஸ்லாமிய வரலாற்றில் முதல் போராகும் போதிய முன்னேற்பாடுகள் இல்லாத சுமார் 313 பேர்கள், 1000 பேர் கொண்ட யுத்த படையை களத்தில் எதிர் கொண்டு ஈமானிய பலத்தாலும், தியாக குணத்தாலும் அல்லாஹ்வின் உதவியைப் பெற்று சிதறடித்த போர் . இந்த ‘பத்ர்’ போர் வரலாற்றின் -ஹிஜ்ரி 2-ஆம் ஆண்டு ரமழான் பிறை 17-ல் நடைபெற்றுள்ளது.

உண்மையில் இந்த களத்தில் கொள்கைக்காக இரத்த உறவுகள் தமக்குள் மோதிகொண்டது. தந்தையும் மகனும் மோதிக்கொண்டனர், சகோதரர்கள் மோதிக்கொண்டனர், நண்பர்கள் மோதிக்கொண்டனர் இந்த யுத்தத்தில் முஸ்லிம்கள் கொள்கைக்காக இரத்த உறவுகளை களத்தில் சந்தித்தனர். 

இரத்த உறவுமுறையை விடவும் அதிக பலம் வாய்ந்தது இஸ்லாமிய கொள்கை என்பதை முஸ்லிம்கள் களத்தில் நீரூபித்தனர் இந்த கொள்கை உணர்வினகாரனமாக அதிக எண்ணிக்கை கொண்ட பலமான படையை ஒரு சிறிய படை எதிர்கொண்டது வெற்றிபெற்றது.

அமைதி நிலவ பிராத்தனையில் ஈடுபடுங்கள் – ஜம்இய்யத்துல் உலமா வேண்டுகோள்

அகில இலங்கை ஜம்இய்யத்துல் உலமா நாட்டில் ஏற்பட்டுள்ள மர்ம மனிதன் தொடர்பாக நாட்டில் ஏற்பட்டுள்ள சூழ்நிலையை கருத்தில் கொண்டு அறிக்கை ஒன்றினை வெளியிட்டுள்ளது அந்த அறிக்கை இங்கு முழுமையாக  பதிவு  செய்யபடுகின்றது:

ஊடக அறிக்கை: அண்மைக் காலமாக நாட்டின் அனேகமான பகுதிகளில் மர்ம மனித நடமாட்டம் பற்றி செய்திகள் வெளியாகிக்கொண்டிருக்கின்றன. சில ஊர்களில் அவ்வாறு சந்தேகத்திற்கிடமான சிலர் கையும்மெய்யுமாக பிடிக்கப்பட்டு, நையப்புடைக்கப்பட்டுள்ளனர் எனவும் மேலும் சிலர் காவல்துறையினரிடம் ஒப்படைக்கப்பட்டுள்ளனர் எனவும் பத்திரிகைச்செய்திகள் தெரிவிக்கின்றன.

அதேநேரம் இச்செய்திகள் வதந்திகள் எனவும், சில பைத்தியக்காரர்களது செயலெனவும் அரசியல் இலாபம் கொண்டன எனவும் பேசப்படுகின்றன.

எது எவ்வாறாயினும் அமைதியை நிலைநாட்டும் கடமையை காவல்துறையினர் கையாளும் போது, பொதுமக்கள் சட்டத்தை தம்கையிலெடுக்கலாகாது என அகில இலங்கை ஜம்இய்யத்துல் உலமா பொதுமக்களை கேட்டுக்கொள்கிறது. பொதுமக்கள் காவல்துறையோடு மோதலில் ஈடுபடுவதும் தம் ஆத்திரத்தைத் தீர்த்துக்கொள்ள அரச, பொதுச்சொத்துக்களை சேதப்படுத்துவதும் சாணக்கியமான செயலல்ல. இப்பீதி நிலைமையை இல்லாதொழிக்கும் விடயத்தில் காவல்துறையினரோடு ஒத்துழைக்கலாம், சந்தேகத்திற்கிடமானவர்களைப் பிடித்துக்கொடுக்கலாம். அதன்மூலம் பொறுப்பு வாய்ந்தவர்கள் உரிய நடவடிக்கைகளை எடுப்பார்கள்.

அதேநேரம் அரசும் காவல்துறையினரும் பீதியற்ற நிலைமையையும் சகஜ வாழ்வையும் ஏற்படுத்தும் விடயத்தில் கூடிய கரிசனை எடுக்கவேண்டுமென கேட்டுக்கொள்கிறது. இந்நாட்டுப்பிரஜைகள் எவரும் நிம்மதியற்று வாழ்வதை எவரும் அங்கீகரிக்கமாட்டார்கள். எந்தச் சமூகத்தவரகளாயினும் நிம்மதியோடு வாழவே விரும்புவர்.

இந்நிலையில் அதற்கு குந்தகமான நிகழ்வுகள் மக்களை ஆக்குரோஷம் செய்யவே தூண்டிவிடும். எனவே இம்மர்ம மனிதர்களின் உண்மை நிலையை அறிந்து நாட்டின் அமைதிக்குக் குந்தகம் விளைவிக்கும் இந்தப் பிரச்சினைக்கு முற்றுப்புள்ளி வைக்கும் கடப்பாடு அரசுக்கும் பொறுப்பு வாய்ந்தவர்களுக்கும் உரியதாகும் என்பதை அ.இ.ஜ.உ வலியுறுத்திக் கூறுகிறது.

அதேநேரம் நாங்கள் துஆக்கள் அங்கீகரிக்கப்படும் மாதத்தில் இருக்கிறோம் என்பதை மறந்துவிடலாகாது. அல்லாஹ்வின் உதவியை நம்பி நிற்கும் நாம் துஆ ஓதும் சகல சந்தர்ப்பங்களிலும் குறிப்பாக நோன்பில் ஓதப்படும் குனூத்திலும் துஆக்கேட்குமாறு அ.இ.ஜ.உ முஸ்லிம்களைக் கேட்டுக்கொள்கிறது.

‘ஹிஸ்னுல் முஸ்லிம்” ‘அல் அத்கார்” போன்ற நூல்களில் உள்ள ‘துஆவுல் கர்ப்” போன்றவையும் ‘அல்லாஹும்மஸ்துர் அவ்ராதினா வஆமின் ரவ்ஆதினா” என்றுள்ள துஆவையும் அதிகமாக ஓதும்படி ஜம்இய்யத்துல் உலமா சகலரையும் கேட்டுக்கொள்கிறது.
இவ்வண்ணம்

அஷ்-ஷெய்க் எம்.எம்.ஏ. முபாரக்
பொதுச்செயலாளர்
அகில இலங்கை ஜம்இய்யத்துல் உலமா