அரசாங்க சேவை ஆணைக்குழுவிற்கு முஸ்லிம் ,தமிழ் சமூகங்களை பிரதிநிதித்துவப் படுத்தி ஏ.எல். நஹியா மற்றும் எஸ் . தில்லை நடராஜா ஆகியோர் நியமிக்கப்பட்டுள்ளனர் கடந்த வியாழகிழமை சபாநாயகர் சமல் ராஜபக்க்ஷ தலைமையில் பாராளுமன்றத்தில் இடம்பெற்ற அரசமைப்பு பேரவை கூட்டத்தில் புதிய பிரதம நீதியரசர் , மற்றும் அரசாங்க சேவை ஆணைக்குழு , ஊழல் மற்றும் இலஞ்ச ஆணைக்குழு ஆகியவற்றுக்கான அங்கத்தவர்கள் நியமிக்கப்பட்டுள்ளனர்.அரசாங்க சேவை ஆணைக்குழு 17ஆவது திருத்தப்பட்ட அரசியல் யாப்பின் கீழ் தாபிக்கப்பட்டு, அரசதுறை உத்தியோகத்தர்களின் நியமனங்கள், இடமாற்றங்கள், ஒழுக்காற்று கட்டுப்பாடு மற்றும் பதவி நீக்கல்கள் ஆகியவற்றை மேற்கொள்கின்றது.
17ஆம் திருத்தம், அரச உத்தியோகத்தர்களின் நியமனம், பதவி உயர்வு, இடமாற்றம், ஒழுக்காற்றுக் கட்டுப்பாடு மற்றும் பதவி நீக்கம் ஆகியவற்றின் அதிகாரங்கள் அரசாங்க சேவை ஆணைக்குழுவுக்கு கையளிக்கப்பட்டன. இவற்றுள் மாகாண அரச சேவைகள், பொலிஸ் சேவை, நீதிச் சேவை, திணைக்கள தலைவர்கள் மற்றும் அமைச்சு செயலாளர்கள் உட்படமாட்டார்கள்என்பது குறிபிடத்தக்கது
ஏ.எல். நஹியா அரசாங்கத்தில் பல பதவிகளை வகித்துள்ளார் தற்போது பிரதேச செயலக கிராம சேவைகள் பிரிவுகள் எல்லை நிர்ணய கமிட்டி அங்கத்தவராகவும் செயல்படுகின்றார் தற்போது இவர் அரசாங்க சேவை ஆணைக்குழுவிற்குவும் அங்கத்தவராக நியமிக்கப்பட்டுள்ளார் என்று அறிய முடிகின்றது.
No comments:
Post a Comment